Job Description

Landsnet leitar að öflugum og framsýnum stjórnendum sem vilja koma með okkur í vegferð sem stuðlar að raforkudrifinni verðmætasköpun byggðri á traustum grunni. Við leggjum áherslu á að tengja saman með skilvirkum hætti aukna orkuvinnslu og eftirspurn samhliða styrkingu grunnkerfisins. Við berum ábyrgð á áframhaldandi uppbyggingu og rekstri áreiðanlegs og hagkvæms flutningskerfis raforku sem styður við verðmætasköpun og vöxt samfélagsins.

Við höfum mótað nýja stefnu þar sem við ætlum að mæta nýjum tímum með öflugum hópi starfsfólks og okkur vantar liðsauka. Við erum mikilvægur innviður og hlutverk okkar er að flytja orku sem drífur áfram lífsgæði og sköpunarkraft samfélags og atvinnulífs til framtíðar.

Við erum framsækið þekkingarfyrirtæki sem leggur áherslu á virðingu, samvinnu og ábyrgð. Ef þú átt erindi og sterkan áhuga á vegferð með okkur í átt að raforkudrifinni verðmætasköpun á traustum grunni viljum við gjarnan heyra í þér!

Helstu verkefni og ábyrgð

• Stýra og efla samband við núverandi og verðandi viðskiptavini fyrirtækisins
• Byggja upp og leiða teymi viðskipta- og gjaldskrárþróunar
• Stýra undirbúningi og þróun nýrra framkvæmdaverkefna
• Efla tengsl og samband við hagaðila um hagsmuni viðskipta og samfélags
• Viðkomandi er hluti af framkvæmastjórateymi Landsnets

Hæfniskröfur

• Háskólamenntun sem nýtist í starfi
• Starfsreynsla af tengdri starfsemi og samningagerð er kostur
• Farsæl reynsla sem stjórnandi öflugra liðsheilda
• Stefnu- og árangursmiðuð hugsun
• Ríkt frumkvæði og sjálfstæð vinnubrögð
• Framúrskarandi samskiptafærni og hæfileiki að tjá sig í ræðu og riti

Öllum umsóknum verður svarað og farið með þær sem trúnaðarmál.

Nánari upplýsingar

Sverrir Briem - sverrir@hagvangur.is

Stefanía Hildur Ásmundsdóttir - stefania@hagvangur.is