Job Description

Leiddu greiningar og rannsóknir sem móta framtíð raforkukerfisins

Landsnet leitar að öflugum og framsýnum stjórnanda sem vill koma með okkur í vegferð sem stuðlar að raforkudrifinni verðmætasköpun byggðri á traustum grunni. Við leggjum áherslu á að tengja saman með skilvirkum hætti aukna orkuvinnslu og eftirspurn samhliða styrkingu grunnkerfisins. Við berum ábyrgð á áframhaldandi uppbyggingu og rekstri áreiðanlegs og hagkvæms flutningskerfis raforku sem styður við verðmætasköpun og vöxt samfélagsins.

Við höfum mótað nýja stefnu þar sem við ætlum að mæta nýjum tímum með öflugum hópi starfsfólks og okkur vantar liðsauka.

Við erum mikilvægur innviður og hlutverk okkar er að flytja orku sem drífur áfram lífsgæði og sköpunarkraft samfélags og atvinnulífs til framtíðar. Við erum framsækið þekkingarfyrirtæki sem leggur áherslu á virðingu, samvinnu og ábyrgð.

Forstöðumaður kerfisþróunar og rannsókna leiðir sérfræðiteymi sem gegnir lykilhlutverki í framtíðarþróun flutningskerfisins. Teymið vinnur að kerfisgreiningum, líkanagerð og rannsóknum sem styðja við stefnumótun, fjárfestingarákvarðanir og uppbyggingu raforkukerfis Íslands til framtíðar.

Viðkomandi er hluti af stjórnendateymi og tekur þátt í að móta stefnu, forgangsröðun og þróun starfseminnar.

Helstu verkefni og ábyrgð

• Leiða og þróa teymi kerfisþróunar og rannsókna.
• Móta stefnu, sýn og forgangsröðun fyrir starfsemi teymisins.
• Leiða greiningar, rannsóknir og líkanagerð sem styðja við framtíðarþróun flutningskerfisins.
• Styðja við fjárfestingarákvarðanir með greiningum og langtímasýn.
• Stuðla að nýsköpun og framþróun í nýtingu gagna, greininga og stafrænnar tækni.
• Byggja upp árangursdrifna menningu, starfsþróun og samvinnu innan teymisins.

Hæfniskröfur

• Háskólamenntun sem nýtist í starfi.
• Reynsla af stjórnun starfsfólks og þróun teyma.
• Reynsla af tengdri starfsemi og þekking á raforkukerfum er kostur.
• Framúrskarandi samskiptafærni og hæfni til að byggja upp samstarf og öflug teymi.
• Vaxtarhugarfar, frumkvæði og lausnamiðuð hugsun.

Ef þú hefur áhuga á að leiða öflugt sérfræðiteymi og taka þátt í að móta framtíð flutningskerfis raforku á Íslandi viljum við gjarnan heyra frá þér.

Landsnet býður upp á skemmtilegt vinnuumhverfi, spennandi verkefni, dásamlegt mötuneyti og aðstöðu til líkamsræktar. Hjá okkur eru góð tækifæri til starfsþróunar, frábærir vinnufélagar og fjölbreyttir styrkir.

Umsóknarfrestur er til og með 5. júlí 2026.

Við hvetjum öll áhugasöm til að sækja um, óháð uppruna, aldri eða kyni. Umsókn þarf að fylgja ítarleg starfsferilskrá og kynningarbréf þar sem þú segir okkur af hverju þig langar að bætast í hópinn. Sótt er um starfið á landsnet.is eða hagvangur.is Nánari upplýsingar veitir Sverrir Briem hjá Hagvangi,  sverrir@hagvangur.is

Öllum umsóknum verður svarað og farið með þær sem trúnaðarmál.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar. Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.