Við óskum eftir að ráða öflugan starfsmann á hafnarsvæði okkar við Kjalarvog. Unnið er á tvískiptum vöktum á hafnarsvæði, sem og dagvinnu líka. Helstu verkefni snúa að lestun og losun skipa og meðhöndlun gáma á hafnarsvæði.
Hæfnikröfur starfsmanns á hafnarsvæði
Starfsfólk á hafnarsvæði verða að hafa sterka öryggisvitund, getu til þess að vinna sjálfsstætt og hæfni í mannlegum samskiptum.
Við hvetjum einstaklinga af öllum kynjum til þess að sækja um. Umsækjendur verða að hafa náð 18 ára aldri og hafa hreina sakaskrá. Umsóknarfrestur er til og með 10. júlí nk.
Nánari upplýsingar veitir Guðni Páll Sigurðarson, svæðisstjóri hafnarsvæðis í netfangið gudni.pall.sigurdarson@samskip.com
Samskip eru alþjóðlegt flutningafyrirtæki sem býður flutningalausnir og tengda þjónustu á landi, sjó og í lofti með hagkvæmni og sjálfbærni að leiðarljósi.
Félagið er eitt af stærri flutningafyrirtækjum í Evrópu með um 668 milljónir evra í veltu á ári og starfsstöðvar í 24 löndum í Evrópu, Norður- og Suður-Ameríku, Asíu og Ástralíu. Starfsmenn eru um 1.500 talsins um allan heim. Höfuðstöðvar Samskipa eru í Hollandi og frá stofnun þess á Íslandi árið 1991 hefur það stækkað hratt, bæði vegna innri vaxtar og kaupa á öðrum félögum.
Meginstarfsemi félagsins byggir á gámaflutningum í Evrópu, flutningum á Norður-Atlantshafi, hitastýrðum flutningum um allan heim ásamt flutningsmiðlun og stórflutningum í Evrópu.
