Job Description

atNorth er í örum vexti og nú leitum við að öflugum Finance Business Partner til að taka að sér lykilhlutverk á fjármálasviði. Um er að ræða verkefni fyrir reynslumikinn aðila sem hefur áhuga á að hafa bein áhrif á stefnumarkandi ákvarðanir og framtíðarsýn fyrirtækisins.

Starfið býður upp á tækifæri til að vinna þvert á starfsemi atNorth, en viðkomandi ber ábyrgð á langtímaáætlanagerð félagsins og styður þannig beint við ákvarðanatöku stjórnenda, eigenda og lánveitenda.

Ef þú hefur áhuga á að hafa raunveruleg áhrif á fjárfestinga- og fjármögnunarstefnu vaxandi félags í spennandi atvinnugrein gæti þetta verið starfið fyrir þig.

Helstu verkefni og ábyrgð

• Leiða þróun og viðhald á fjárhagslíkani samstæðunnar
• Drífa stefnumarkandi áætlanagerð og sviðsmyndagreiningar
• Meta fjárfestingar, viðskiptatækifæri og lykilákvarðanir félagsins
• Veita stjórnendum, eigendum og lánveitendum gagnadrifinn stuðning við ákvarðanir
• Meta fýsileika fjármögnunarkosta og styðja við fjármögnunarferli
• Samræma langtíma- og skammtímaspár og drífa umbætur á fjárhagslegum mælikvörðum
• Byggja upp öflugri fjárhagslega innviði með umbótum á líkönum, gögnum og ferlum

Hæfniskröfur

• Háskólagráða í fjármálum, hagfræði, reikningshaldi eða skyldum greinum
• Haldbær reynsla úr FP&A, Finance Business Partnering, fjármálaráðgjöf, fjárfestingarbanka eða Private Equity
• Reynsla af gerð fjárhagslíkana, fjárfestingargreiningum og áætlanagerð
• Hæfni til að miðla flóknum gögnum til stjórnenda
• Mjög góð greiningarhæfni, Excel kunnátta og reynsla af ERP/EPM og BI lausnum
• Sjálfstæð, drífandi og skipulögð vinnubrögð, gagnrýnin hugsun
• Sterk samskiptahæfni og geta til að hafa áhrif í krefjandi og síbreytilegu umhverfi

atNorth er leiðandi norrænt fyrirtæki á sviði gagnaversþjónustu sem býður upp á sjálfbæra og hagkvæma ofurtölvuþjónustu fyrir mörg af fremstu tæknifyrirtækjum heims. Höfuðstöðvar atNorth eru í Hafnarfirði en fyrirtækið rekur starfsemi þvert á Norðurlöndin. Frekari upplýsingar um atNorth er að finna á heimasíðu fyrirtækisins www.atnorth.com

Nánari upplýsingar

Stefanía Hildur Ásmundsdóttir - stefania@hagvangur.is