Job Description

Háskólinn í Reykjavík óskar eftir orðheppnum textasmið á samskiptasvið háskólans sem hefur það hlutverk að vera leiðandi í skrifum á miðlum háskólans bæði á íslensku og ensku. Starfið hentar einstaklingi sem brennur fyrir fréttaskrifum og miðlun vísinda- og rannsóknastarfs, viðburða og alls þess sem snertir starfsemi HR. Textasmiður fer almennt með ritstjórn á útgefnu efni og á í samskiptum og samvinnu við fólk þvert á deildir og stoðsvið og tekur virkan þátt í markaðs- og kynningarstarfi samskiptateymisins.

Helstu verkefni:

• Ritstjórn og skrif á texta fyrir ytri og innri vefi HR.
• Umsjón með skrifum frétta og fréttatilkynninga.
• Þátttaka í hlaðvarpi HR.
• Umsjón með gerð kynningarbæklinga háskólans og ritstjórn þeirra.
• Yfirlestur á texta á íslensku og ensku og ráðgjöf til starfsfólks HR.
• Textagerð fyrir markaðsefni.
• Þátttaka í daglegu markaðs- og kynningarstarfi samskiptasviðs.

Hæfniskröfur

• Háskólamenntun í íslensku, ensku eða önnur háskólamenntun sem nýtist í starfi.
• Reynsla af frétta- og greinaskrifum og ritstjórn.
• Framúrskarandi íslensku- og enskukunnáttu.
• Áhugi og þekking á háskólaumhverfinu.
• Hæfni í mannlegum samskiptum og vilji til að vinna í hóp.
• Hæfileiki til að hugsa út fyrir boxið og leita nýrra lausna.

Umsóknir berist rafrænt í gegnum umsóknarvef Háskólans í Reykjavík.

Umsóknarfrestur er til og með 7. júní 2026.

Allar nánari upplýsingar veitir mannauðsdeild Háskólans í Reykjavík, mannaudur@ru.is, og Ásthildur Gunnarsdóttir, forstöðumaður samskipta, asthildurg@ru.is

Háskólinn í Reykjavík hefur haslað sér völl sem öflugur rannsóknarháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 3.700 í sjö deildum og starfsfólk er um 330 talsins, auk 350 stundakennara.