Job Description

Við leitum að öflugum liðsmanni með góða þekkingu á málningu og málningarvinnu til að leiða málningar- og múrdeild Húsasmiðjunnar á Egilsstöðum. Starfið hentar sérstaklega vel þeim sem hefur starfað við málningu eða lokið iðnmenntun í greininni og vill nýta fagþekkingu sína í ráðgjöf og sölu.

Menntun eða reynsla í málningariðn er mjög mikill kostur. Við leitum að einstaklingi sem hefur áhuga á að miðla fagþekkingu sinni og veita viðskiptavinum bæði fagfólki og einstaklingum framúrskarandi ráðgjöf.

Helstu verkefni:

• Fagleg ráðgjöf um málningu, múr og tengdar vörur, almenna yfirborðsmeðferð og efnisval
• Sala og þjónusta við einstaklinga
• Sala, sókn og ráðgjöf við málara og annað fagfólk
• Umsjón með málningardeild
• Pantanir og birgðastýring
• Framsetning vara og útstillingar
• Önnur tilfallandi verkefni

Hæfniskröfur:

• Menntun eða reynsla í málningariðn er mjög æskileg.
• Góð þekking á málningu, yfirborðsmeðferð og efnisvali.
• Metnaður fyrir því að veita faglega ráðgjöf og framúrskarandi þjónustu.
• Góð samskiptafærni og hæfni til að byggja upp traust við einstaklinga og fagmenn.
• Sjálfstæð og skipulögð vinnubrögð.
• Áhugi á sölu og þjónustu.
• Stundvísi og ábyrgð í starfi.
• Góð íslenskukunnátta er skilyrði.

Verslunin er opin alla virka daga frá 09:00-18:00 (vinnutími eftir samkomulagi) og á laugardögum 10:00-14:00. Starfsmaður í fullu starfi vinnur á vöktum samkvæmt vaktaplani á virkum dögum og annan hvern laugardag. Við hvetjum öll áhugasöm til þess að sækja um starfið sem fyrst, óháð kyni.

Gildin okkar eru Gleði - Kraftur - Fagmennska