Job Description

Leikskólinn Nóaborg, Stangarholti 11, óskar eftir að ráða deildarstjóra í fullt starf. Um er að ræða deildarstjórastöðu á deild yngri barna sem þar sem dvelja 16 börn en yngstu 32 börnum leikskólans er dreift jafnt á tvær yngri deildir og er mikil og góð samvinna á milli deildanna.

Nóaborg er fjögurra deilda leikskóli og þar dvelja að jafnaði 74 börn. Í leikskólanum eru tvær eldri deildir með 21 barni á hvorri deild og svo tvær yngri deildir með 16 börnum á hvorri deild. Mikil endurnýjun á húsnæði leikskólans hefur átt sér stað á undanförnum árum og er öll vinnuaðstaða góð.

Leikskólinn er staðsettur rétt ofan við Hlemm og í næsta nágrenni við Klambratún sem býður upp á mikla möguleika varðandi leik og starf. Við leikum okkur með læsi og stærðfræði og vinnum markvisst með Lubba námsefnið. Þá erum við í auknum mæli að vinna með flæði á milli deilda. Næsta vetur munum við vera með verkefnastjóra í sköpun og er það tilraunaverkefni.

Einkunnarorð Nóaborgar eru: Leikum-Lærum-Njótum

Helstu verkefni og ábyrgð

-Að vinna að uppeldi og menntun leikskólabarna samkvæmt starfslýsingu deildarstjóra

· Að bera ábyrgð á uppeldis- og menntunarstarfinu sem fram fer á deildinni

· Stjórnun, skipulagning og mat á starfi deildarinnar

· Að bera ábyrgð á að unnið sé eftir skólanámskrá og starfsáætlun

· Að bera ábyrgð á foreldrasamvinnu

Menntunar- og hæfniskröfur

-Leikskólakennaramenntun og leyfisbréf kennara

· Reynsla af uppeldis- og kennslustörfum með ungum börnum æskileg

· Lipurð og sveigjanleiki í samskiptum

· Frumkvæði í starfi og faglegur metnaður

· Sjálfstæð og skipulögð vinnubrögð

· Góð íslenskukunnátta

· Íslenskukunnátta á stigi C2 samkvæmt evrópska tungumálarammanum.

-Hreint sakavottorð í samræmi við lög og reglur Reykjavíkurborgar

Fríðindi í starfi:

• Sundkort
• Menningarkort og bókasafnskort
• Heilsuræktarstyrkur
• Samgöngustyrkur
• Frítt fæði
• Forgangur að leikskólaplássi fyrir starfsmannabörn

Laun eru samkvæmt samningi sambands íslenskra sveitarfélaga og KÍ v/félags leikskólakennara.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Nánari upplýsingar um starfið veitir Anna Margrét Ólafsdóttir, leikskólastjóri í síma 693-9830 eða með tölvupósti á netfangið anna.margret.olafsdottir@reykjavik.is