Job Description

Droplaugarstaðir er Eden vottað hjúkrunarheimili með áherslu á heimilislegt umhverfi og sjálfsákvörðunarrétt íbúa.

Droplaugarstaðir eru með virkt gæðakerfi og fengu ISO vottun árið 2020 fyrst hjúkrunarheimila á Íslandi. Í stefnu heimilisins eru öryggi, virkni og vellíðan íbúa, starfsfólks og fjölskyldna í öndvegi.

Við leggjum áherslu á metnað í starfi, fagleg vinnubrögð og samvinnu íbúa og starfsfólks.

Íbúar eru 87 á fjórum deildum. Við erum staðsett í hjarta Reykjavíkur og stutt í almenningssamgöngur.

Við bjóðum upp á

• Gæðavottað starfsumhverfi
• Krefjandi og spennandi verkefni
• Skemmtilegan og faglegan starfsmannahóp
• Heimilislegt vinnuumhverfi
• Starfshlutfall og fyrirkomulag samkomulagsatriði.

Helstu verkefni og ábyrgð

• Skipulag, stjórnun og umsjón með daglegri starfsemi deildarinnar.
• Ábyrgð á mönnun, vaktaskipulagi og verkefnadreifingu.
• Fagleg forysta og ábyrgð á gæðum hjúkrunar, hjúkrunaráætlunum og skráningu.
• Umsjón með mati á hjúkrunarþörfum íbúa, þar á meðal RAI-mati.
• Ábyrgð á samskiptum og samstarfi við íbúa, aðstandendur og starfsfólk.
• Leiðsögn, fræðsla og þjálfun starfsfólks og nema.
• Þátttaka í almennri og sérhæfðri hjúkrun íbúa eftir þörfum.
• Eftirlit með öryggismálum, atvikaskráningu og eftirfylgni.
• Stuðla að faglegri þróun, góðri liðsheild og stöðugum umbótum í hjúkrunarþjónustu.

Hæfniskröfur

• Hjúkrunarfræðingur með íslenskt hjúkrunarleyfi
• Íslenskukunnátta á stig C1 í samræmi við samevrópskan tungumálaramma
• Sérnám í stjórnun og /eða öldrunarhjúkrun æskileg
• Reynsla af hjúkrun aldraðra æskileg
• Reynsla af stjórnun æskileg
• Reynsla af teymisvinnu og útdeildingu verkefna æskileg
• Frumkvæði, sjálfstæði vinnubrögð, hæfni í mannlegum samskiptum, áreiðanleiki, heiðarleiki og jákvæðni.
• Hreint sakavottorð í samræmi við lög sem og reglur Reykjavíkurborgar.

Frekari upplýsingar um starfið

Laun eru samkvæmt samningi Reykjavíkurborgar og Félags íslenskra hjúkrunarfræðinga

Nánari upplýsingar um starfið veitir Sigríður Ösp Sumarliðadóttir hjúkrunarstjóri í netfanginu sigridur.osp.sumarlidadottir@reykjavik.is