Job Description

Rhif Cais y Swydd 9259 Math o Waith Parhaol Swyddogaeth y Swydd Gwasanaethau Cwsmeriaid Cwmpas Cyflog £26,200.00 Lleoliad Linea Dyddiad cau ceisiadau

Dydd Mercher, 16 Medi 2026 - 23:59

Werth ei wybod

Oherwydd ein bod wedi cael cymaint o geisiadau, efallai y bydd rhaid i ni gau'r hysbyseb swydd hon yn gynnar, felly rydym yn argymell gwneud cais yn gyflym.

Y dyddiad cychwyn ar gyfer y rôl hon yw 26ain o Hydref. Sylwch y bydd y cyfweliadau yn cael eu cynnal wythnos sy’n dechrau’r 21ain o Fedi, a bydd angen i chi fynychu bryd hynny.

Bydd gennych 3 wythnos o hyfforddiant lle byddwch yn gweithio o 9yb i 5yp. Ni allwn gymeradwyo unrhyw gyfnodau estynedig o wyliau blynyddol oherwydd y gwaith hyfforddi manwl, felly meddyliwch am hyn cyn gwneud cais am y rôl, a cynigiwch ddyddiadau wrth y ganolfan asesu i ni eu hadolygu. Ar ôl hynny fe fyddwch yn symud i rota gyda amrywiaeth o shifftiau rhwng 7yb a 10yh, bydd hyn yn cynnwys gweithio ar rai penwythnosau a gwyliau banc, bydd hyn yn cael ei drafod yn fanwl os byddwch chi'n cael eich gwahodd i gyfweliad. Fe fyddwch chi'n gweithio yn y swyddfa yn llawn amser am eich tri mis cyntaf fel y gallwn ddarparu hyfforddiant a chefnogaeth i'ch helpu chi. Mae cyfle i symud i'n model gweithio hybrid ar ôl i'ch cyfnod prawf ddod i ben.

Beth fyddwch chi’n gyfrifol amdano

Datrys pob ymholiad am bynciau fel ymholiadau bilio neu unrhyw ddigwyddiadau glân neu wastraff â chyfathrebu rhagorol ar draws gwahanol sianelau cysylltu. Mae’r swydd mor heriol ag y mae’n cynnig boddhad a bydd yn berffaith ar gyfer y rhai sydd ag angerdd gwirioneddol at helpu pobl.

Bydd hyn yn cynnwys:

• Bod yn bwynt cyswllt cyntaf i’n cwsmeriaid, gan ddangos agwedd gadarnhaol ac angerdd at ddatrys problemau cwsmeriaid.
• Gwrando, holi a chwestiynu yn gyson i lunio’r strategaeth orau i ddatrys y cyfrif a helpu ein cwsmeriaid.
• Datblygu cydberthynas i ddeall anghenion ein cwsmeriaid, gan nodi agweddau agored i niwed, a thrafod y ffordd orau ymlaen.
• Ymgorffori gwerthoedd y cwmni i’n helpu i wireddu gweledigaeth ein cwmni.
• Cynorthwyo cwsmeriaid a chydweithwyr trwy gyfathrebu effeithiol.
• Datblygu gwybodaeth ddatblygedig am systemau a phrosesau a chyfrannu at eu gwella.
• Deall a meistroli grym iaith, goslef ac empathi tra’n cyfathrebu gyda chydbwysedd a masnacholdeb.
• Addysgu ein cwsmeriaid ar yr wybodaeth fwyaf priodol iddy nhw fel effeithlonrwydd dŵr, tariffau cymdeithasol, neu ganlyniadau peidio â thalu.
• Dangos dull ‘un cyffyrddiad’ a chywir y tro cyntaf i helpu pob cwsmer mor gyflym a phriodol â phosibl.

Amdanoch chi

• Mae gennych sgiliau cyfathrebu rhagorol – llafar ac ysgrifenedig
• Mae gennych ffordd gyfeillgar a chadarnhaol wrth siarad â chwsmeriaid
• Rydych yn gyfforddus yn defnyddio TG – rydym yn defnyddio amrywiaeth o systemau cyfrifiadurol y byddwn yn eu haddysgu i chi
• Rydych bob amser yn onest ac yn broffesiynol
• Rydych yn wydn ac yn wych am ddatrys problemau – rydym yn ymdrin â rhai sefyllfaoedd heriol
• Rydych yn agored i adborth, i wella eich hun ac i ddysgu sgiliau newydd.
• Rydych yn hyderus gyda rhifau ac esbonio’r hyn y maent yn ei olygu (e.e. esbonio bil a chynllun taliadau cwsmer)
• Rydych yn rhoi sylw i fanylion ac yn cofio gwybodaeth yn dda
• Rydych yn gallu gwneud penderfyniadau

Buddion

Yn ogystal â chyflog cystadleuol yn y farchnad, 34 diwrnod o wyliau blynyddol (pro rata, gan gynnwys gwyliau cyhoeddus), rydym yn cynnig ystod o fuddion a chydnabyddiaeth i weithwyr gan gynnwys:

• Cynlluniau cyflog amrywiol (bydd eich band cyflog yn aros yr un fath, ond yn dibynnu ar berfformiad, gallech dderbyn cynnydd o fewn y band a chymhelliant blynyddol)
• Opsiwn i brynu gwyliau blynyddol ychwanegol hyd at 5 diwrnod y flwyddyn
• Cyfraniadau pensiwn cyflogwyr uwch – Hyd at 11% o gyfraniad cyflogwr
• Gwasanaethau Broceriaeth Morgeisi Am Ddim
• Gwell polisïau sy'n gyfeillgar i deuluoedd
• Cyfleoedd dilyniant, gan gynnwys y gallu i wneud cais am raglenni hyfforddi ac anogaeth a mentora a ariennir
• Gostyngiad ar aelodaeth campfa a ffitrwydd a siopau'r stryd fawr
• Cynllun beicio i'r gwaith
• Gostyngiad oddi ar holl ganolfannau atyniad ymwelwyr a siopau Dŵr Cymru
• Cynllun prydlesu ceir a pharcio am ddim ar y safle ym mhob safle
• Cynllun Iechyd Arian yn Ôl a mynediad at wasanaeth meddyg teulu ar-lein
• Rhaglen cymorth gweithwyr i gyflogeion a'u teuluoedd agos
• Mae llawer mwy i'w gweld ar ein gwefan.

Oherwydd natur y diwydiant, mae angen geirda boddhaol, cliriad meddygol ar ôl y cynnig, a gwiriad Datgeliad Sylfaenol cofnodion troseddol ar bob gweithiwr newydd sy'n ymuno â'r busnes.

Ar gyfer rhai rolau efallai y bydd angen gwiriadau ychwanegol a chliriad diogelwch, ac mae'r cynnig hwn yn amodol ar bob gwiriad yn cael ei fodloni. Byddwch yn derbyn rhagor o wybodaeth am sut i gwblhau'r gwiriadau hyn drwy e-bost ar ôl i chi dderbyn y cynnig.

Pwy ydyn ni

Mae Dŵr Cymru yn cadw 3 miliwn o bobl yn iach bob dydd gyda dŵr diogel, dibynadwy, ac yn mynd â dŵr gwastraff i'w lanhau, cyn ei ddychwelyd yn ddiogel i'n hafonydd a'n moroedd hardd.

Er mwyn gallu darparu gwasanaethau hanfodol o ansawdd uchel sy'n helpu i ddiogelu iechyd ein cwsmeriaid, cydweithwyr a'n hamgylchedd, mae angen y bobl iawn arnom i gyflawni ein gweledigaeth. Mae hyn yn cael ei gyflawni trwy fyw ein gwerthoedd craidd ac arddangos yr ymddygiadau craidd sy'n sail iddynt. Mae diogelwch ein pobl, ein hasedau a'n gwybodaeth yn allweddol i ni, felly rydym yn chwilio am bobl sy'n deall ac yn cydymffurfio ag amcanion diogelwch gofynnol y cwmni.

Gwyddom mai'r timau mwyaf llwyddiannus yw'r timau mwyaf amrywiol. Mae cydraddoldeb, amrywiaeth a chynhwysiant yn darparu sylfaen i'n diwylliant yn Dŵr Cymru. Rydyn ni eisiau i bob unigolyn deimlo'n hyderus, yn falch ac yn gallu bod yn nhw eu hunain yn y gwaith. Er mwyn sicrhau gwell cynrychiolaeth yn ein gweithlu, mae croeso arbennig i geisiadau gan grwpiau lleiafrifol gan gynnwys pobl Dduon, Asiaidd a Lleiafrifoedd Ethnig, Menywod, LHDT+, pobl anneuaidd a phobl ag anableddau. Gyda'n gilydd rydym yn parhau i greu gweithle sydd nid yn unig yn dathlu lleisiau amrywiol ein cydweithwyr ond hefyd yn cynrychioli pob cwsmer rydyn ni'n ei wasanaethu.

Yn y bôn, mae ein cwmni yn seiliedig ar ymddiriedaeth, bod yn agored, parch, ymrwymiad a gonestrwydd. Cwmni y mae ein cydweithwyr yn falch o weithio iddo.

Dŵr Cymru Cyf, cwmni cyfyngedig a gofrestrwyd yng Nghymru rhif 2366777. Swyddfa Gofrestredig: Heol Pentwyn, Nelson, Treharris, Morgannwg Ganol CF46 6LY

© Dŵr Cymru Cyf 2019.