Job Description

Í Brekkuskóla er laus til umsóknar 70% staða frístundafulltrúa í grunnskóla. Um er að ræða ótímabundið starf og vinnutíminn er frá kl. 11:00 til 16:15. Ráðið er í stöðuna frá 1. ágúst 2026.

Brekkuskóli, í samstarfi við heimilin, vinnur að því að búa nemendur undir líf og starf, að hjálpa þeim að finna og nýta hæfileika sína og stuðla að andlegu og líkamlegu heilbrigði þeirra.

Í Brekkuskóla er mikil áhersla lögð á gott samstarf við foreldra. Brekkuskóli er uppbyggingarskóli og vinnur eftir agastjórnunar stefnunni Uppeldi til ábyrgðar

Einkunnarorð skólans eru menntun - gleði - umhyggja - framfarir

Viltu vita meira? Kíktu í rafræna heimsókn www.brekkuskoli.is

Leitað er að hugmyndaríkum einstaklingum sem eiga auðvelt með að sýna sveigjanleika, hafa frumkvæði, sem hafa mikinn metnað, eiga auðvelt með öll samskipti og sem leggja áherslu á vellíðan og árangur nemenda í samstarfi við aðra starfsmenn og stjórnendur skólans.

Frístundafulltrúi fer fyrir daglegu starfi frístundar fyrir börn í 1. - 4. bekk grunnskóla og stuðlar að velferð og hagsmunum þeirra nemenda sem hann hefur umsjón með.

Helstu verkefni:

• Frístundafulltrúi í grunnskóla ber faglega ábyrgð á starfsemi hennar og hefur umsjón með starfinu sem unnið er að skólatíma loknum.
• Frístundafulltrúi í grunnskóla þarf að sjá um skráningar í tölvukerfi og vera í samvinnu við kennara yngstu nemenda skólans.
• Frístundafulltrúi í grunnskóla ber ábyrgð á því að koma upplýsingum um starfsemi frístundar til forráðamanna og vera í samskiptum við þá.
• Frístundafulltrúi í grunnskóla starfar undir stjórn deildarstjóra forvarna- og frístundamála skólans og skólastjóra.

Menntunar- og hæfniskröfur:

• Háskólamenntun (BS, BA, B.Ed) eða önnur menntun sem nýtist í starfi.
• Reynsla og ánægja af starfi með börnum.
• Frumkvæði og samstarfsvilji.
• Sveigjanleiki og víðsýni í starfi og samskiptum.
• Góðir skipulagshæfileikar.
• Hæfni í mannlegum samskiptum.
• Reglusemi og samviskusemi.
• Góð íslenskukunnátta í ræðu og riti.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Jóhanna María Agnarsdóttir skólastjóri í netfanginu johannam@akureyri.is eða í síma 414-7900.

Einungis er tekið á móti rafrænum umsóknum.

Umsóknarfrestur er til og með 26. maí 2026.