Job Description

Leikskólinn Birkilundur í Varmahlíð óskar eftir að ráða aðstoðarleikskólastjóra. Æskilegt er að viðkomandi geti hafið störf sem fyrst.

Aðstoðarleikskólastjóri er staðgengill leikskólastjóra. Hann er leiðandi aðili í skipulagi faglegs starfs innan leikskólans og tekur virkan þátt í stjórnun og umsjón starfsmannamála ásamt virku samstarfi við foreldra. Hann sinnir einnig starfi tengiliðs farsældar og ber ábyrgð á skipulagningu, framkvæmd og endurmati stuðningsþjónustu.

Í Birkilundi er lögð áhersla á málörvun og félagsfærni. Birkilundur er í samstarfsverkefni með Varmahlíðarskóla þar sem áhersla er lögð á félagsleg samskipti. Í leikskólanum Birkilundi eru fjórar deildir fyrir börn á aldrinum 1-6 ára.

Helstu verkefni eru:

• Er aðstoðarmaður leikskólastjóra og ber ásamt honum ábyrgð á rekstri leikskólans.
• Er staðgengill í fjarveru leikskólastjóra og starfar þá samkvæmt starfslýsingu hans.
• Vinnur ásamt leikskólastjóra að daglegri stjórnun leikskólans og skipulagningu uppeldisstarfsins.
• Er tengiliður farsældar.
• Ber ábyrgð á skipulagningu, framkvæmd og endurmati stuðningsþjónustu.
• Ber ásamt leikskólastjóra ábyrgð á að unnið sé eftir aðalnámskrá leikskóla og skólanámskrá leikskólans, að áætlanir þar um séu gerðar og reglulegt mat fari fram.
• Sér um samskipti og samvinnu við foreldra í samráði við leikskólastjóra.
• Situr foreldrafundi, starfsmannafundi, deildarstjórafundi og aðra fundi er leikskólastjóri segir til um og varðar starfsemi leikskólans.
• Sinnir að öðru leyti þeim verkefnum er varðar stjórnun leikskólans sem yfirmaður felur honum.

Menntunar- og hæfniskröfur:

• Leikskólakennaramenntun og leyfisbréf kennara.
• Reynsla af starfi og stjórnun í leikskóla.
• Framhaldsnám í stjórnun eða sambærileg menntun sem nýtist í starfi æskileg.
• Hæfni í mannlegum samskiptum.
• Fagleg forysta, sýn og vilji til nýbreytni og þróunar í leikskólastarfi.
• Frumkvæði, lausnamiðuð hugsun og metnaður til að ná árangri í starfi.
• Umsækjandi þarf að hafa gott vald á íslensku, bæði í töluðu og rituðu máli og geta átt samskipti á íslensku við nemendur, samstarfsfólk og foreldra.
• Almenn tölvukunnátta er nauðsynleg.
• Hreint sakavottorð skv. lögum um leikskóla.

Leikskólakennarar starfa samkvæmt lögum og reglugerð um leikskóla, öðrum lögum er við eiga, aðalnámskrá leikskóla, skólastefnu sveitarfélagsins sem og öðrum stefnum sveitarfélagsins sem í gildi eru á hverjum tíma og við eiga.

Launakjör eru samkvæmt kjarasamningi Sambands íslenskra sveitarfélaga við KÍ vegna Félags stjórnenda leikskóla.

Nánari upplýsingar veitir Steinunn Arnljótsdóttir, leikskólastjóri; birkilundur@skagafjordur.is, 453 8215.

Einungis er tekið við rafrænum umsóknum á heimasíðu sveitarfélagsins: www.skagafjordur.is. Prófskírteini, leyfisbréf og greinargóð ferilskrá skal fylgja umsókn.

Áhugasamir einstaklingar, óháð kyni, eru hvattir til að sækja um.

Öllum umsóknum verður svarað þegar ákvörðun um ráðningu liggur fyrir.