Job Description

Skrifstofa frístundamála leitar að aðstoðarforstöðumanneskju í 100% starf í frístundaheimilið Bakkasel við Breiðholtsskóla. Um tímabundið starf er að ræða með möguleika á áframhaldandi ráðningu. Frístundaheimilin veita 6–9 ára börnum og foreldrum þeirra heildstæða og faglega þjónustu þar sem uppeldisgildi frístundastarfs SFS og Menntastefnu Reykjavíkurborgar eru höfð að leiðarljósi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð:

Umsjón með daglegri starfsemi frístundaheimilisins í samvinnu við forstöðumann.

• Skipulagning frístundastarfsins í samráði við börn og starfsfólk.
• Leiðbeina og taka þátt í leik og starfi með börnum.
• Samskipti og samstarf við foreldra og starfsfólk skóla.
• Þátttaka í að móta stefnu og framtíðarsýn.
• Að veita starfsmönnum leiðsögn um framkvæmd vinnunnar og stuðla að lýðræðislegum starfsháttum og góðum starfsanda.
• Er staðgengill forstöðumannns.

Hæfniskröfur:

• Háskólapróf á sviði uppeldismenntunar, s.s. tómstunda- og félagsmálafræði eða sambærileg menntun.
• Meistarapróf á sviði uppeldismenntunar eða stjórnunar eða mikil starfs- og stjórnunarreynsla á viðkomandi sérfræðisviði.
• Reynsla af starfi með börnum.
• Reynsla af félags- og tómstundastarfi.
• Frumkvæði, sjálfstæði og fagmennska í vinnubrögðum.
• Skipulagshæfileikar og fjölbreytt áhugasvið sem nýtist í starfinu.
• Almenn tölvu- og samskiptamiðla kunnátta.
• Góð íslenskukunnátta í máli og riti, C1
• Góð enskukunnátta.

Hreint sakavottorð í samræmi við lög sem og reglur Reykjavíkurborgar.

Með umsókn skal fylgja starfsferilskrá.

Um tímabundna ráðningu er að ræða og þarf viðkomandi að hefja störf sem fyrst.

Frekari upplýsingar um starfið:

Laun eru samkvæmt samningi Reykjavíkurborgar og Sameykis, stéttarfélags í almannaþjónustu.

Nánari upplýsingar um starfið veitir

Kristrún Lilja Daðadóttir

kristrun.lilja.dadadottir@reykjavik.is