Job Description

Við leitum að öflugum, ábyrgum og lausnamiðuðum einstaklingi í starf aðalgjaldkera hjá Festi. Aðalgjaldkeri gegnir lykilhlutverki í daglegri fjárstýringu samstæðunnar og ber faglega ábyrgð á framkvæmd greiðslna, bankaviðskiptum, lausafjáreftirliti og samræmingu gjaldkerastarfa. Starfið felur jafnframt í sér virka þátttöku í þróun fjármálaferla, sjálfvirknivæðingu og eflingu innra eftirlits. Um er að ræða fjölbreytt og ábyrgðarmikið framtíðarstarf í öflugu starfsumhverfi.

Helstu verkefni og ábyrgð

• Fagleg umsjón og samræming daglegra gjaldkerastarfa og greiðslna.
• Umsjón með bankaviðskiptum, bankareikningum og greiðsluflæði.
• Daglegt eftirlit með lausafjárstöðu og stuðningur við áætlanagerð og stýringu lausafjár.
• Tryggja að greiðsluferlar, samþykktir og framkvæmd séu í samræmi við skilgreindar heimildir, reglur og innra eftirlit.
• Eftirfylgni með rekjanleika greiðslna og öðrum lykilstýringum í gjaldkeraferlum.
• Samskipti við banka, fjármálafyrirtæki og aðra þjónustuaðila.
• Upplýsingagjöf, greiningar og stuðningur við fjármálateymi og félög innan samstæðunnar.
• Þátttaka í þróun og innleiðingu umbóta, sjálfvirknivæðingar og einföldunar á fjárstýringar- og greiðsluferlum.
• Þátttaka í þróun verklags og stýringa sem stuðla að öruggri og skilvirkri meðhöndlun fjármuna.
• Önnur verkefni á sviði fjárstýringar eftir þörfum.

Hæfnis- og menntunarkröfur

• Reynsla af gjaldkerastörfum, fjárstýringu, bókhaldi eða sambærilegum fjármálaverkefnum.
• Reynsla af ábyrgð á greiðsluferlum, bankaviðskiptum eða lausafjárstýringu er kostur.
• Töluleg- og greiningarfærni ásamt nákvæmum og öguðum vinnubrögðum.
• Góð Excel-kunnátta og almennt sterk kerfis- og tæknifærni.
• Skilningur á innra eftirliti, verkaskiptingu og rekjanleika í fjármálaferlum er kostur.
• Frumkvæði, sjálfstæði og hæfni til að forgangsraða og fylgja verkefnum eftir.
• Rík þjónustulund og góð samskipta- og samstarfshæfni.
• Góð íslensku- og enskukunnátta.
• Menntun á sviði viðskipta, fjármála, reikningshalds eða önnur menntun sem nýtist í starfi er kostur.

Festi leggur áherslu á að skapa spennandi og líflegt starfsumhverfi þar sem hæfileikar einstaklingsins fá að njóta sín. Starfsfólki er veittur sveigjanleiki í starfi og lögð er áhersla á jafnvægi milli vinnu og einkalífs. Velferð starfsfólks er í fyrirrúmi og er ýmis konar heilsueflandi þjónusta í boði í velferðarpakka félagsins. Starfsfólk fær góð kjör á vörum og þjónustu hjá ELKO, Krónunni, Lyfju og N1.

Nánari upplýsingar veitir Andri Kristinsson, forstöðumaður innheimtu og fjárstýringar, andrik@festi.is.

Umsóknarfrestur er til og með 23. nóvember 2026.