Job Description

Sérkennslustjóri óskast til starfa í 5 ára deild Sjálandsskóla.

Einkunnarorð skólans eru: hraust sál í heilbrigðum líkama.

Áhersla er lögð á metnaðarfullt starf þar sem við leggjum áherslu á útinám , vettvangsferðir, hreyfingu. Förum í íþróttasalinn 2x í viku, sund einu sinni í viku og jóga. Einnig leggjum við mikla áherslu á jákvæð samskipti, uppbyggilega orðræðu og gagnkvæma virðingu, Við viljum útskrifa nemendur sem geta sett sjálfum sér og öðrum mörk og geti sýnt sjálfum sér samkennd.

Stefna leikskólans í starfsmannahaldi er að í skólanum starfi uppeldismenntaðir starfsmenn af báðum kynjum sem hafa mikinn metnað fyrir starfi sínu.

Helstu verkefni og ábyrgð

• Er faglegur umsjónarmaður sérkennslu í leikskólum, annast frumgreiningu og ráðgjöf til annarra starfsmanna leikskólans
• Hefur yfirumsjón með gerð verkefna og ber ábyrgð á gerð einstaklingsnámskráa fyrir börn sem njóta sérkennslu
• Sinni einstaka börnum og barnahópum með íhlutun
• Veitir foreldrum/forráðamönnum barna sem njóta sérkennslu stuðning, fræðslu og ráðgjöf
• Sinnir þeim verkefnum er varða sérkennslu sem yfirmaður felur honum
• Starfar samkvæmt lögum og reglugerð um leikskóla, lögum um málefni fatlaðra, öðrum lögum er við eiga, aðalnámskrá leikskóla og skólastefnu Garðabæjar

Menntunar- og hæfniskröfur

• Leikskólakennaramenntun, þroskaþjálfamenntun eða önnur menntun sem nýtist í starfi (Leyfisbréf fylgi umsókn)*
• Framhaldsmenntun í sérkennslufræðum kostur
• Að lágmarki 90 námseiningar á einu námssviði aðalnámskrár og menntunarfræði leikskóla
• Reynsla af starfi í leikskóla eða starfi með börnum er æskileg
• Góð samskiptahæfni
• Frumkvæði í starfi og faglegur metnaður
• Sjálfstæð og skipulögð í vinnubrögðum
• Íslenskukunnátta á stigi B2 samkvæmt evrópska tungumálarammanum

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Hlunnindi í starfi

• Full vinnustytting sem er 4 klst. á viku. Hluta styttingar er safnað í vetrar-, páska- og jólafrí
• Leikskólinn er lokaður í dymbilviku og 2. janúar vegna vinnustyttingar starfsfólks
• Opnunartími leikskólans er 7:30-16:30 mánud.- fimmtud. og 7:30-16:00 á föstudögum
• Skipulagsdagar eru fimm á skólaári og eru samræmdir í leik- og grunnskólum Garðabæjar
• 25% stöðugildi á hverri deild vegna snemmtækrar íhlutunar
• Starfsmannaafsláttur er af leikskólagjöldum og forgangur inn í leikskóla fyrir börn stafsmanna sem búsettir eru í Garðabæ
• Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
• Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
• Menningarkort fyrir starfsmenn sem ráðnir eru í starfshlutfall eftir 3 mánuði í starfi
• Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi

Umsóknarfrestur er til og með 15. september 2026.

Nánari upplýsingar um starfið veitir Elín Ósk Þorsteinsdóttir eða með því að senda tölvupóst á elinthors@sjalandsskoli.is

Samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Áhugasamir einstaklingar, án tillits til kyns, eru hvattir til að sækja um.